Tura: Ka Non Cooperation Movement (NCM) wa da khut da ki seiñ ka ri-loom Garo hapoh ka seiñ Solidarity Forum ha ki ar sngi ynne ka 23 tarik wa mynstep ka 24 tarik kawa da pynbor ya ki paidbah wow dam ki u lai kreh wei ya kiwa dai dukan u khang ya ki dukan kam ka dak wow pyrchah ya i chah siat ki 3 ngut ki bru ha North Garo Hills, ki pulit da pyntip ki wa ynne ka sngi da kem ya kiwa mih khmat ki seiñ kiwa pynbor ya ki paidbah wow khang ki dukan yong ki.
Ki pulit da pyntip ki wa ha Tura da kem ya kiwa yahkhmat ka Solidarity Forum u Balkarin Ch. Marak wa em 30 snem i rta wa u Alprin R. Marak wa em 19 snem i rta heipor wa dang maham ki ya ki paidbah wei phah khang dukan ki ki.
Da kem leh ya ka kari yong ki ka Maruti Alto wa em ya u number ML-05E-6289 na ki wei heijooh i por leh u DC ka West Garo Hills da ujor u pyrchah ya ki.
Ha ka chnong Dalu won wa em ha ka jooh ka District, 4 ngut da chah kem ki heipor wa khang ki ya kiwa kreh u lai kreh ki ha ka yung krehkaam u BDO wa em ha Machangpani.
Kini ki 4 ngut leh da phah khang ki ya kiwa boon ki dukan wa kawi ka Petrol Pump. U OC da pyntip u wa kini kiwa chah kem toh kiwa na Gambegre wei da wan ki cha Dalu ha ki ar tylli ki thuk thuk hei pyrtuid ka GSU.
Kam wow pynkynmoo ki seiñ wa em hapoh ka Solidarity Forum kam ka ADE, AWYO, FAF, FKJGP, GSU da pyntip ki wa ym kti ha kani ka NCM.
Discussion about this post