Haka 9 tarik uni u bnai, ki chipai ka BSF Meghalaya da yoh ki wow kem ya ar ngut ki nong India ha khappood ka Bangladesh wa East Khasi Hills deilang waka poisa Bangla kawa 3,40,000 Taka.
Ki chipai ka 4 Bn BSF da yoh ki wow kem ya kini hajan ka BOP Nayabazar hadien wa yoo wa lai ki deiwa rieh tooh, wei napoh ka muna wa rah ki da chem ya kani ka poisa Bangla kawa da ki kot 500 kiwa dapoi 3,40,000 Taka.
Kini kiwa chah kem toh uwa tip kam u Balanus Mawroh uwa na chnong Nongjri Wahsier wa u Enterness Khongsni uwa na chnong Nongjritluh, East Khasi Hills District.
Da khana ki wa kani ka poisa Bangla toh kawa da rah ki yow psiah cha Bangladesh yow leh yaki kaam pyrchah aiñ. Kamtæ ya kini deilang waka poisa da e kti cha ki pulit ka Pynursla Police Station yow leh ki yeiwa emkaam.
Discussion about this post