15 49.0138 8.38624 1 0 4000 1 https://wyrta.com 300 0

Advertisement ad1

Chah kem ar ngut kiwa yarap wow yaleh kot thok ya ki bru na Bangladesh

0 Comments

Ki pulit ka Mumbai Crime Branch da kem ki ya ar ngut ki bru kiwa yarap ya kamwa 50 ngut ki bru na Bangladesh wow yoh thok ya ki Indian passport, Aadhaar wa PAN Card deiwa pynemkaam ya ki kot thok.

Kini ki ar ngut toh kiwa pynlai ya ki ar tylli ki dukan ha ka sorbah Mumbai.

Neiliang u Akbar Pathan, Deputy Commissioner of Police (Detection) da ong u wa chiboon ki kot thok kam ki PAN Card, Aadhaar Card, Ration Card da yoh na kini ki dukan chirup wa ki kor chon kot.

Ya kini ki ar ngut da tip kam u Hamid Khan wa u Shatrajit Yadav wei da kem ya ki hadien wa chah kem ar ngut ki bru Bangladesh wa ki kot wa thok.

Uwi na ki 2 ngut wa chah kem toh u Rehan Shuon uwa 24 snem wei da chah kem u ha Chhatrapati Shivaji International Terminus heipor wa pynemkaam u ya ka passport thok wow lai cha Sharjah, United Arab Emirates.

Hadien ini u Rehan da phla u kammon wa yoh u ya ka Birth Certificate thok na ka Gram Panchayat ha West Bengal wei deiwa pynemkaam ya ki kot thok da yaleh u ya ka Passport kawa thmu u wow lai cha United Arab Emirates.

Manda takit ya u Rehan da yoh won u kem sa ya uwi tawon u bru Bangladesh, u Minasul Hasan uwa 27 snem i rta uwa dang yaleh ya ka Passport na India.

Advertisement ad1

0 Comments

Leave a Reply