Chah kem ar ngut kiwa yarap ya ka HNLC | Kiwa sooh buit chna Bomb IED

Ki pulit ka Ri-Bhoi District da pyntip ki wa u Benjamin Sohtun (35) uwa na Pahamlapong, Nongpoh da emkti u wow pynbiej ya ki khynroo wow psiah cha ka HNLC deiwa pynemkaam ya ka Social Media.

Kamtæ ki pulit ka Ri-Bhoi DEF wa ka Anti-Terrorism Squad da kem ki ya u Benjamin Sohtun ha ka 23 tarik uni u bnai.

Hawa pynman ya ka takit da chem boon ki sabut na u Benjamin.

Deiwa takit ya u Benjamin da kem sa ya u Jenesis Sohkhwai (23 snem) uwa na Umsohbar, Ri-Bhoi District ha ka 26 tarik uni hi bnai wei kini ki ar ngut toh kiwa da sooh buit wow chna ya u Bomb IED (Improvised Explosive Device).

Related posts

Rs. 3.80 lak ka Lucky Draw 2026 ka Dorbar Chnong Chutwakhu

July 28, 2026

Kyntu u Regeenal Shylla wow e laad ya ka karkhana ka Shree Cement

July 28, 2026

Ya ki ar ngut da pynngat ha ka Case hapoh ka Nongpoh PS hapoh ki kyndon 113(3)/147/148 ka BNS.

Katkam wa man katni i takit dang lai i chaphrang yow chem kiyi de kiwa emkti wa u Benjamin.