Pynlait ka Court ya u Kejriwal nei chah pynbaad ha ka Delhi Excise Policy Case | Chah phah takit kylla u IO ka CBI

Ynne ka sngi ka yung bichaar ha Delhi da pynlait ko ya u National Convenor ka Aam Aadmi Party (AAP), u Arvind Kejriwal chirup wa u heh ka Party, u Manish Sisodia wa kiwi na ka Delhi Excise Policy Case.

U Special Judge Jitendra yong ka Rouse Avenue Courts da pynlait u ya waroh ki 23 ngut kiwa da chah pynbaad ha ini i kaam baam tooh.

Ka yung bichaar da khyrwait ko leh ya ka CBI yei wym em biang ka takit tangwa da wanrah ka Charge Sheet wa boon sla bha khlem da em kiwa sakhi næ ka Statement wei pyrchah ya u Sisodia won ym em iyi iyi leh iwa wanrah pyrchah ya oo.

Hawa pynbna yei rai, ka yung bichaar da ong ko wa ka Chage Sheet ka CBI toh kawa em da ki hajar sla tangwa deiwa pynbaad donhi.

Hawa pynlait leh ya u Kuldeep Singh uwa man uwa hakhmat dooh wa chah pynbaad, u Judge da ong u wa oo leh ym em iyi iyi i sabut pyrchah ya oo.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Hajrong ini, ka yung bichaar da phah ko wow pynman da ka Departmental Inquiry pyrchah ya u Investigating Officer (IO) ka CBI.

Kam wow kdaw heini wa u Sisodia dadep chong patok u 530 sngi, u Kejriwal 156 sngi wei da pynlait ya oo ha ka 13 tarik u September 2024 hadien wa e jamin ka Supreme Court.

Neiliang u Kejriwal hawa klam hadien wa da yoh yei rai jop na ka yung bichaar, da pynbaad u ya u Prime Minister, u Narendra Modi wa u Union Home Minister, u Amit Shah wa kwah ki wow pynkut ya ka Aam Aadmi Party.

Da ong u wa da kreh chitom u yow yoh yei chaniah wei ymtoh da ka poisa deiwa dawa yei paan maap na ki heh ka BJP.

U Kejriwal da kob u leh ya u Prime Minister wow pyndam ya ka sorkar Delhi wei wow pynman ya ka Election. Deiwa ong wa lada ka BJP jop ko 10 Seat, u mih noh u na ki kaam Politics.