theme-sticky-logo-alt
theme-logo-alt
Advertisement ad1
Advertisement ad1

Chah kem ki 6 ngut kiwa lute Truck

Advertisement ad1
Advertisement ad1

Ki pulit ka East Garo Hills hadien wa pyntip cha ki da kiwa na South Garo Hills wa da em ki damok wa lute ya ka poisa wa T. 20 lak na kawi ka Truck ha Panda Reserve, South Garo Hills kiwa pynemkaam da kawi ka kari Alto rong lieh.

Kamtæ ki pulit da pyntip ki cha ki pulit wa em ha tymbud u sarokbah heiwa da phah ya ki Officer In-charge ka Rongmil, Dobu wa Nengkra wow pynsangeh wei wow kynreh ya ki kari heiwa heipor 10:45 ynne i miet, u Officer In-charge ka Rongmil da pynsangeh u ya kawi ka kari wa em ya u Number AS01-KC-0949 kawa em ynru ngut hapoh.

Kiwa em hapoh da tip kam u Chapdul Ali uwa na Patpara, Dudhnoi, Goalpara Assam, u Oku Ali, uwa na Gohaipuri, Matia, Assam, u Amir Hussain, uwa na Sidhabari, Matia, Assam, u Balsrang K Sangma uwa na Dobakkol Dainadubi, North Garo Hills, u Ewan R Marak uwa na Chisim Apal, North Garo Hills wa u Sailen G Momin, uwa na Bugakol Dainadubi, North Garo Hills.

Hadien wa kynreh ya ka kari da chem ya ka poisa wa T. 13,20,500 deilang wa 6 tylli ki Mobile Phone na kini ki bru.

Hadien wa da leh yeiwa emkaam deiwa emlang kiwa sakhi, da ekti ya kini cha ki pulit ka South Garo Hills yow leh chooh chooh ya ka takit.

Share this:
Previous

U chimbynta lang ki chipai ka US wa ki chipai India ha ka Yudh Abhyas

Next

Da toh ieh ya kawi ka snieh-poisa hapoh Taxi