Chah kem ki ar ngut ki Bangladeshi wa ar ngut kiwa na Meghalaya wa yarap ya ki

Ha ka 8 tarik uni u bnai heipor kamwa 6:00 waje i janmiet, ki pulit da yoh ki wow ksoh ya kawi ka kari Maruti Alto (ML-10D-4104) ha Mawlai Umshing, Shillong wa yah da u Ridonlang Lakhiat (31 snem) deiwa emlang kiwi ki le ngut hapoh wa kynthup ya u Md. Rahul Rana (27 snem), ka Suma Ghosh (20 snem) wa u Johnwell Kharkongor (29 snem) wei hawa kylli takit ya ki ym em chem ya kiwon kiwon ki mar wa man pyrchah aiñ.

Tangwa da chem wa u Md. Rahul Rana wa ka Suma Ghosh toh ki Bangladeshi wei i pyrtuid tre ki toh u Md. Nasiruddin Kazi wa ka Suma Begum, wei da psiah ki pyrchah ya ka aiñ cha India wei kattæ won da mut ki wow liwan cha Bangladesh deiwa lai lyngba ka Pynursla, EKH.

Hawa takit chooh chooh da chem wa u Johnwell Kharkongor da man u kam u Agent wa yarap ya kiwa na baar ri deiwa lai booh ki cha uwi u bru wa tip kam u Alexander Lyngdoh uwa yarap won ya ki wow psiah cha Bangladesh heipor miet.

Related posts

Yoh kem drugs ki pulit na Lum Survey deilang ki bru kiwa suba toh kiwa na baar ri

February 18, 2026

Chah tooh biang sa kawi ka Scooty na pchem yung ha Jowai

February 16, 2026

Na kini ki ar ngut ki Bangladeshi da chem ya ar tylli ki Aadhaar Card wa da chna thok heiwa da kem noh ya kini.

Ya kini waroh da yoh wow kem deiwa yarap ki BSF.