Hadien i takit wa yillu heiyatoh wa i tympdung Bomb ha i thaw ka Dhar Construction Company hajan Shymplong, East Jaiñtia Hills District iwa da jia ha ka 15 tarik u December 2025, ki pulit ka East Jaiñtia Hills Police wa West Jaiñtia Hills Police da kem ki sa ya ar ngut ki bru ynnin ka sngi.
Kini kiwa dang chah kem kynthup ki ya u Issei Sungoh wa khut sin u Sei/Bah (29 snem), uwa na Mynso-B wa u Embha Ladong (25 snem), uwa na Shymplong, East Jaiñtia Hills District.
Ya kini ki ar ngut da yah cha ka kasari wei da phah wow kset ya ki 6 sngi hapoh ka Police Custody katwa i takit dang lai i chaphrang.
Kam wow pynkynmoo wa ki pulit dadep ki wow kem ya u Richard Suchen wa u Pynshaitbor Syih wei dang thooh kattæ sa ya u Smiki Tongper.
Neiliang ki pulit da kyrpaad ki wa lada em kiwa tip chaphang i emkti kiwi wow sñiawbha pyntip ha ki Police Station wei daw murieh yei pyrtuid ki.
Discussion about this post