Ki pulit ka East Jaiñtia Hills District da kem ki sa ar ngut ki tre paar mooyong heiyatoh wa iwa jia ha kawi ka krem mooyong ha Mynsngat, Thangskoo hadien wa dep wow kem nyngkong ar ngut.
Kiwa dang chah kem toh u Process Dkhar uwa khut sin leh kam u Prakash uwa chong chnong ka Sutnga uwa da suba toh u tre hok kani ka krem mooyong katwa uwi won toh uwa tip kam u Tensing Suchiang uwa na chnong Umlawang ka East Jaiñtia Hills.
Katkam wa pyntip ki pulit, kiwa da chah kem chwa, u Forme Chyrmang (36 snem) uwa na Jalaphet Pyrdung wa u Samehi War (42) snem uwa na Sutnga Pohwailong da e bor da ka yung bichaar wow kset patok ki sa 14 sngi hadien wa kut ki le sngi wa kset ki ha kti ki pulit.
Heiyatoh wa kiwa yap neiwa jia pdung ha ka krem mooyong ha ka 5 tarik, da ku cha 30 ngut hadien wa ki ar ngut kiwa chah sumaar ha Silchar Medical College Assam da khlaad noh ki.
Ki bor District da pyntip ki leh wa hadooh kattæ dadep wow e wei Register 34 tylli ki FIR heiyatoh wa ini i kaam.
Discussion about this post