Chah kem sa u tre i yung wa sah wai ka Sonam ha Indore

I kem ya ki bru kiwa emkti wow e yung wai ya ka Sonam Raghuvanshi ha Indore, Madhya Pradesh da pteiñ i hadien wa da yoh kem ya u Shilom James uwa man kam u Real Estate Agent wa u Balbir Ahiwar uwa man kam u Security Guard heiwa ynne i janmiet da kem sa ya u Lokendra Singh Tomar na Gwalior, Madhya Pradesh deiwa yarap ki pulit ka Gwalior ya ki pulit SIT ka Meghalaya.

U Lokendra Singh Tomar man u kam u tre kani ka yung Building wa em ka Flat wa sah wai ka Sonam ha Dewas Naka, Indore iwa da pynemkaam ko yow rieh hadien wa liwan na Meghalaya.

Uni u tre yung da mih u na Madhya Pradesh ha ka 16 tarik uni u bnai deiwa lai cha Uttarakhand wei da lai won u cha Gwalior ha ka 22 tarik uni hi u bnai.

Ki pulit ka SIT wa em ha Indore da lai ki cha Gwalior yow kem ya uni u bru wei daw lai yah oo hakhmat ka yung bichaar yow paan bor u wanrah oo cha Shillong.

Related posts

Kiwa yoh takma ha ka National Games wa kiwi ki lympung waheh u yoh kreh sorkar ki: Wailadmiki

August 29, 2026

Pynngat ki pulit sa ha ki Case wa thymme ya kiwa yahkhmat ka KSU

August 29, 2026

Ya uni u tre yung da chah pynbaad u wa emkti u wow murieh ya ki sabut kiwa emkaam heiyatoh wa i chah pynyap u Raja Raghuvanshi.

Kini waroh le ngut daw wanrah ki cha Shillong ha ka 25 tarik uni u bnai.