Chah kem u bru wa booh pseiñ ha paikhana ka rel Vande Bharat Express

Ki pulit ka Railway Protection Force (RPF) na Central Railway da kem ki ya uwa 37 snem hadien 6 tayaaw heiyatoh wa i chem pseiñ ha paikhana ka rel Mumbai-Solapur Vande Bharat Express.

Ya uni u bru da tip kam u Jagan Arjun Bhale, uwa na Nashik District heiwa da kem ya oo na Mumbra hadien wa pait ya ka CCTV wei deiwa pyntip da ki bru.

Hawa pynman ya ka takit wei i pait ya ka CCTV da yoo ya u Bhale wa ku u ya ka rel na Thane wei da pynlait u ya u pseiñ ha i paikhana ka Coach C-16 chwa wow yut.

Neiliang u Bhale da phla u yeiwa leh u yeini.

Ini da jia i ha ka 27 tarik u December 2025, hapoh ka Coach C-16 ka Train Number 22225 Vande Bharat Express wei da chem ki paidbah ya u pseiñ hapoh paikhana.

Related posts

Da pynku yei dor ki kum LPG Cylinder ha waroh ka ri

March 7, 2026

Dang emkaam u burom ya u Dr. Ricky | Ym em jhan ka Congress ya ka Election MP: Badwar

March 7, 2026

Kiwa kreh ka chnat Railway da kset ki ya ki dwar ka paikhana wei da pyntip ki ya ka Control Room wei da pteiñ ko wow lai cha Solapur.

Manda poi ha Solapur Railway Sation da yoh wow kem ya uni u pseiñ.

Ya ini i jia waroh da pyntikna da u Central Railway Chief Public Relations Officer u Swapnil Nila.