Chah kem u chan heiyatoh wa iwa wiar ka khynnah na Umpling

Hadien wa wiar ar ngut ki khynnah kynthai kawi na Umpling Dong Shaneng Block-6 kawa dang 14 snem heiwa da chem ka ha yung uwi bru wa sah ha Umpling Dong Shaneng Block-5 wei kawi won kawa 17 snem na Mawlai kawa da chem wa lai sah miet ko cha yung ka lok ko wa em ha Umpling, da wanrah i yei syier mynsien ya kiwa chong chnong neidaw wa da em kiwa wiar wa yap. Wei da kmen wa kini ki ar ngut ki kynthai da chem ki khlem da jia iyi iyi wa sñiawsih.

Heiyatoh wa ka khynnah wa wiar na Mawlai hadien wa dep e FIR wei da poor ka khubor, da pyntip cha ka bei kani ka khynnah wa wiar da u payu ka lok kani ka khynnah wa sah miet ko ha yung ki wa em ha Mawiong.

Kani ka khynnah da mih ko na yung wot hadien wa ka bei da ong ko wym chah ko u lai cha yung ka lok ko wei kiwa ha-yung kani ka lok ko leh ym em pyntip ki cha ki yei sahmiet ko hadooh wa da khuslai ki wa da wiar ko.

Kiwa ha-yung ka khynnah wa wiar da chrai ki leh wa ya ka khon ki da wan li booh da uwi u khynnah wa sah ha ka dong ki ymtoh da ki bei ki pa wa sahmiet ka khon ki, kamtæ da dawa ki wow paan maap ki.

Heiyatoh won wa ka khynnah wa wiar na Umpling Dong Shaneng Block-6 hei miet ka 12 tarik, da chem ya ka na yung uwi u bru uwa kreh mylla uwa em 25 snem i rta uwa na chnong Mowkaiaw, West Jaiñtia Hills pyn hei step synyaaw ka 13 tarik hi uwa sah ha Umpling Dong Shaneng Block-5.

Katkam wa pyntip u SP ka East Khasi Hills, u Vivek Syiem wa kani ka khynnah da yalang chan ko wa uni u bru la kamwa ar tayaaw haroh.

Tangwa ka chnong Umpling ym tip ko yei em uni u bru wa wan kreh neibhah ka kyndon chong toh wow pyntip hawa wanrah ki bru wa na baar yow kreh yow sah tangwa u tre yung wa khut kreh ya uni u bru ym em pyntip u.

Related posts

Pynbaad kiwa yaleh DSC ka West Jaiñtia wa boon kiwa yoh u leh thok deiwa rah Phone chapoh thaw thoh Exam

October 14, 2025

Ka Laitumkhrah Police Point da man ko kam ka Khyndailad wa ar | Dawa ka BJP wow kyrriah ya ka DC

October 14, 2025

Ki pulit da kem ki ya uni u bru wei da pynngat ya oo ha ki kyndon aiñ wa kset yabor ya ka bru wei da lai yah oo cha yung bichaar ynnin ka sngi.

Da ye wow chem ya kani ka khynnah deiwa krehlang ka dorbar chnong chirup ki BSF deilang kiwa boon ki pulit wei deiwa pait leh ya ka CCTV kamjooh ki stat Technology wa pynemkaam ki pulit tæ ye wow chem smat ya kani ka khynnah.