Ka Dorbar Mang Tangka ka JHADC kawa da sdang ynnin ka 18 tarik da poi ko cha ka sngi wa ar ynne ka sngi heiwa ka dorbar da sdang ko heipor 10:30 i step wei da neh ko hadooh 3:15 i janmiet.
Kani man ka kawi na ki Dorbar wa jrong dooh wa chong ka Council hawa nujor wa ki dorbar wa chong ha ki snem wa dadep.
Hadien ka kynta kylli, dapoi ka yaklam hajrong ka Mang Tangka heiwa da pynsñiaw ki MDC ya i sñiaw yong ki hajrong yong ka, neitæ won da poi ki ar tylli ki Motion wa wanrah da u Andrew Shullai wa u Nehemaia Lamare kamjooh wa ka Private Members Bill wa wanrah da u Jamshaphrang Pohtam.
Chwa wow kut ka dorbar ynne u MB Rymbai da yieñ u wow ong wa kani ka dorbar ynne da man ko kawa jrong dooh wa chong ka Council ha ki phaw snem wa dadep heiwa em ki dorbar wa chong du 15-30 minit donhi.
Chooh chooh da ong u wa man iwa sñiawsuk neibhah wa ki ar Liang (Liang Synchaar wa ka Liang Pyrchah) da yaklam ki ya ki kaam wow tei wow pynbha pynmiat ya i rukom krehkaam ka JHADC.
Chwa wow kut ka dorbar hapyrdi wa pynsñiaw yeiwa em ha ki, ki kattu katni ki MDC da ban ki yeiwa raw cha kamjooh wa thngan ki.
Discussion about this post