15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Chah kem u dkhot ka ISI ynnin i janmiet

0 Comments
Advertisement ad1
Advertisement ad1
Advertisement ad1

Siliguri : Katkam ka yutip wa da yoh da ong wa da yoh kem ya uwi u dkhot ka ISI (Inter Services Intelligence) na Panitanki ka chnong kawa em ha khappood India-Nepal hajan Siliguri ha ka janmiet yong ka 5 tarik uni u bnai.

Ki heh pulit da ong ki wa uwa chah kem wa tip kam u Ranabijay Singh, da suba toh u dkhot ka ISI ka Pakistan la kattu katni por wei da chah kem u ha ki pulit ka Anti-Corruption Branch deilang wa ki pulit na i yung wa chongwai u.

Advertisement ad1
Advertisement ad1

Na uni u bru da yoh hadooh 155 tylli ki Sim Card na Nepal, 35 tylli ki Sim Card India, soo tylli ki laptop, ki ATM card wa le tylli ki EPIC.

U Singh, toh uwa na Sion wa em ha jylla Bihar wei da chong da sah u ha Panitanki da palat 6 bnai kattu wei em karkhana mechanic u leh.

Uni u bru da jooh lai u cha ri Qatar wa Oman ha u snem 2009 wa 2010. Da sah nyngkong u ha Pradhannagar, Siliguri nadooh u snem 2015, chwa u kem ya oo da kyrriah u cha Panitanki la 6 bnai nachwa.

Ki pulit wa kiwi kiwi da pait da booddien ki ya oo la kattu katni por wei dang takit ki oo hadooh katni.

Advertisement ad1
Advertisement ad1

0 Comments

Leave a Reply