Uwi u heh ka ISIS na ka Pune Module uwa tip kam u Rizwan Abdul Haji Ali da chah kem u ynnin ha ki pulit ka Delhi Police Special Cell.
Uni u heh ka ISIS da chah kem u ha ki Special Cell hadien wa yoh yutip wa tikna wa em u ha khappood ka Delhi-Faridabad chirup wa kawi ka tiar siat.
Neiliang ka National Investigation Agency (NIA) da pynbna khusnaam ko hadooh Rs. 3 lak wow yoh kem ya u Rizwan Abdul Haji Ali uwa na Daryaganj ka nongbah Delhi.
Da suba wa uni u heh ka ISIS dang thooh u ya ki thaw hei wow hiar thma ya ki heh wa ki sahep sorkar na Delhi wa NCR wei i takit katni dang man iwa lai chaphrang.
Ki pulit da ngiat ki leh wa deiwa yoh u kem ya uni da ye u pynsangeh yei i thmu wow pynmynsoo pynmynsnaam ha ka sngi laitlooid ka ri.
Discussion about this post