Ka All Assam Students’ Union (AASU) da maham ko ya ka sorkar pyrdi wym toh u noh ya ki nong Bangladesh kiwa psiah tooh chapoh ka ri ha ki jylla ka North East.
Neiliang uwa e buit ka AASU, u Samujjal Bhattacharya da ong u wa ki tre jylla ka thaaiñ mihsngi wa ka Northeast Students’ Organisation (NESO) da sñiawkhia bha ki hadien iwa jia ha Bangladesh wei lada psiah tooh ki cha India daw ktah bha i ya ki tre jylla ka thaaiñ mihsngi.
Da ong u wa nadooh u 1947 i psiah tooh na East Pakistan da jia i wei ha u 1971 heipor wa mih ka ri Bangladesh da sakhi chiboon i psiah tooh ki nong Bangladesh cha thaaiñ mihsngi ka ri deiwa e nongmuna wa kam ha Tripura na ki 45 lak ngut ki bru du 15 lak toh ki tre jylla.
Chooh chooh da ong u wa ki paidbah ka thaaiñ mihsngi ymye ki wow pdiang wa i awri ha Bangladesh u wanrah won i ya i psiah tooh namo i yut chnong chapoh ka thaaiñ iwa daw booh hei maa ya ki tre jylla.
Da pyntip u leh wa da thoh cha u Prime Minister ka ri wa ymtoh u pdiang namo u e thaw sah ya ki nong Bangladesh chapoh ka thaaiñ mihsngi neibhah ym em man thaw noh ya ki nong Bangladesh kiwa wan psiah tooh.
Da dawa leh wow khang sbak ya u pood hapyrdi ki ar ri neibhah 4 na ki 7 jylla ka thaaiñ mihsngi em ki u pood wa kani ka ri.
Discussion about this post