Chah kem u Pastor wa dat pyn ya ki khon neidaw wa kyndeh-ke ki wa u khynnah Hindu

Uwi u Pastor uwa na Kanyakumari District ka Tamil Nadu da chah kem u hadien wa chah pynbaad u wa dat u ya ki ar ngut ki khon u hadien wa ya kyndeh-ke ki wa uwi u khynnah Hindu uwa sah hajan yung ki.

Uni u Pastor wa em 42 snem i rta uwa tip kam u Kingsley, da sah u ha i thaw wa tip kam i Karungal deilang ka kurim wa le ngut ki khon.

U Kingsley hawa lai yaseiñ u da yahlang u ya ka kurim u deilang wa i khon wa dang 8 bnai wei da ieh u ya u khon u uwa dang 6 snem wa uwa dang 3 snem deiwa khang ki hapoh yung.

Ha ka 29 tarik u Naisan heipor wa liwan yung u da yoo u ya ki khon u wa kyndeh-ke ki wa kiwi ki khynnah wa najan yung wei da chrai u neidaw wa uwi u khynnah toh u Hindu, kamtæ da taan u ya ki khon u chapoh yung heiwa da sympat u ki da u tylle skit (Skipping Rope).

Related posts

25 snem phah kset ka yung bichaar ya u Boti Surong uwa slaitbor ya ka khynnah

June 8, 2025

Chah siat yap ka Influencer ha yung wa sah ko

June 3, 2025

Kiwa janyung jansem hadien wa sñiaw ki yei kiad wei yaam kini ki khynnah, da pyntip ki cha ka District Child Protection Unit wa ki pulit ka Karungal kiwa da wan cha ini i thaw wei da chem ki yei kha wa chah sympat hei doh i pran kini ki khynnah.

Ya kini ki khynnah da rah ki na ini i yung wei hawa takit ya ki da khana ki wa da dat u pa ki ki neidaw wa ya kyndeh-ke ki wa ki khynnah Hindu.

Ya u Kingsley da pynngat hapoh ka Section 296(b), 115(2) wa 351(3) ka Bharatiya Nyaya Sanhita (BNS), deilang ka Section 75 ka Juvenile Justice Act.