Mawryngkhneng : U Peter J. Lawai uwa man kam u Sordar ka Mawryngkneng kamjooh leh u President ka Hynniewtrep Youth Council, Central Body uwa chah kynnoh wa yada ya ki 6 ngut kiwa slaitbor ya ka khynnah wa dang 17 deiwa pyrchang u pynyasuk ha pyrdi kiwa ha yung ka khynnah wa kiwa slait bor ya ka ynne ka sngi da chah kem u ha ki pulit.
Uni u sordar da em leh u diah yong oo na kini ki 6 ngut wa chah kynnoh wa emkti hei slaitbor ya katai ka khynnah heiwa da ong kiwa ha yung ha sem ka khynnah wa da maham u ya ki wei da tyrwa poisa u leh ya ki yow suki ki neibhah ini i kaam.
U Lawai da yah ya oo cha Civil Hospital, Shillong hadien wa ood u wa ym em sñiaw chait u.
Ka KSU Mawryngkneng hei yatoh wa ini da ong ko wa kammon kat da u bru wa ksoh ya ki kaam chnong kamjooh ya ka seiñbhalang ym tip u ya ki kyndon ka aiñ heithaw u pynchitom ya kiwa emkti da leh u deiwa mar kylla yow murieh yei pap kiwa emkti ha i kaam slaitbor.
Ka KSU leh da ban joor ko wa lada kamni cheiwon u poi ka jait bru neibhah ini waroh toh wa mih nei mynsien yoo beiñ ya kiwa khian wa nai wa dooh wa duk khlem da bichaar khlem pait chilliang ya iwon iwon.
Also Read: Chah slaitbor ka khynnah ha ki 6 ngut, pyrchang u Sordar wow pynyasuk
Discussion about this post