Chah kem u Swami hadien wa chah pynbaad ha ki 32 ngut ki khynnah puræ

U Swami Chaitanyananda Saraswati da chah kem u hadien wa em da ki phaw ngut ki kynthai wa da pynbaad wa da leh khlemakor u ya ki wei hawa takit ya oo da thok u ya ki pulit. 

Ki pulit da chem ki leh ya i dur u Swami wa ki Air Hostess ha ka Mobile Phone u kamjooh ki Message wa pynbiej u ya ki kynthai.

Chooh chooh da kem leh ya ar ngut ki kynthai wa yatoh wa oo wei da takit leh ya ki nadooh ynnin ka sngi.

U Swami uwa jooh man u khlieh ka Sri Sharada Institute of Indian Management-Research ha Vasant Kunj, New Delhi da chah kem u ha ka tayaaw wa dadep hadien wa mih i chah pynbaad u ha ki kynthai.

Ka seiñ Sringeri Peetham, kawa pynlai ya kani ka thaw puræ leh da pynkut ko yei yatoh wa oo neibhah wa da embynta u ha ki kaam pyrchah aiñ. 

Ki pulit da ong wa uni u bru wa tip leh kam u Swami Parthasarathy ym em yakrehlang u wa ka takit wei da yait u jubab ya ki yuklli wa khor heiwa da jubab u du deiwa ymtoh heipor takit. 

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Da jubab u ya ki takit du hadien wa pynmih ya ki sabut wa khor iwa da pynman ya ka takit kawa eh.

Hawa leh Forensic ya ka Mobile u Swami da chem ki chiboon ki Message wa ki khynnah khyllood heiwa da chem wa da pynbiej u ki deiwa kular wow e tiar sñiawbha ya ki.

Ki dur na ka Mobile Phone u Swami da yarap chooh ki chiboon ha ka takit. 

Ki pulit leh da chem ki i yaklam u wa ki khynnah wa puræ ha Chaitanyananda Saraswati khamtam kiwa puræ Post-Graduate Diploma ha ka Management heiwa da kular wow e ya ki da ka EWS Scholarship.

Na ki 32 ngut ki khynnah puæ, 17 ngut da pynbaad ki wa da klam khlemakor u ya ki, da phah u ya ki dur wa ki Message khlemakor lyngba ka WhatsApp.