Ka Central Bureau of Investigation (CBI) da yoh ko wow kem ya uwa emkti ha ka “Paper Leak” ka NEET-UG 2026 Examination.
Uni u bru toh uwa tip kam u P.V. Kulkarni uwa man kam u Chemistry Lecturer uwa embynta hei wow pynkhreh ya ka Exam neibynta ka NTA da boon snem wei man u leh kam uwa yoh wow pait ya ki Question Papers.
Ka takit da chem ko wa ha ka tayaaw wa khaddooh u April, 2026, u Kulkarni da pynemkaam u ya kiwa yaleh Exam kiwa da su poisa cha oo yow yoh ya ki Question Paper deiwa yarap kawi kawa tip kam ka Manisha Waghmare kawa da chah kem ha ka 14 tarik uni u bnai da ka CBI.
U Kulkarni toh uwa pynman ya ka Special Coaching Class ha yung wa sah u ha Pune, Maharashtra neibynta kini kiwa yaleh Exam.
Ha kani ka Coaching Class, u Kulkarni da khana u ya kini ki Question heiwa kini kiwa lai Coaching ha oo da thoh ki ki ha ki Notebook ki heiwa da man ki thij kam ki Question wa da mih ha ka NEET-UG 2026 Examination kawa da pynman ha ka 3 tarik uni u bnai.
Hadooh ynnin ka sngi, da em 7 ngut kiwa da chah kem kiwa na Jaipur, Gurugram, Nasik, Pune wa Ahliyanagar. 5 ngut na kini toh kiwa da lai yah hakhmat ka yung bichaar kawa da phah wow kset ki hapoh thanat 7 sngi.
Kini ki ar ngut kiwa dang chah kem toh kiwa da lai yah hakhmat ka yung bichaar wa em ha Pune yow paan bor u kit ki cha ka yung bichaar wa em ha Delhi.
Discussion about this post