Ka Dorbar Chnong Tuber Kmai Chnong hadien wa da yoo ko yeiwa thoh uwi u bru uwa da pynbaad ya ka chnong wa jia yoo leh kamwa jia ha Pynther heiwa da chah pynbaad wa chah dat uwi hadooh wa yap ha kti u waheh chnong wa ki dkhot ka VDP ka chnong Pynther.
Uni u bru toh uwa pynemkaam ya ka Account wa em pyrtuid Drmine Pschychology wei hadien wa da thooh tre ka chnong da chem wa uni u bru toh uwa pyrtuid u Diva kyndait uwa da pynbaad wei pynboodnaam ya ka chnong Tuber Kmai Chnong kamjooh ya ki VDP deiwa ong oo leh lait salit donhi u kam ini i jia ya oo katkam wa da thoh u. Wei da jia i 9 snem nachwa heiwa oo da biang lut u ki sabut.
Neiliang ka Dorbar Chnong Tuber Kmai Chnong deilang ki VDP chnong phah ki ya kani khubor cha uni u bru wow wan mih hajir u hakhmat ka chnong hapoh 3 sngi iwa mut hadooh ka 18-05-26 donhi wei lym wan mih u, ka chnong u leh ko yeiwa emkaam.
Da ong wa ini daman sakhiat ko kawa pyndooh burom ya ka chnong ka thaw ka yong i hapoh Social Media, wei chwa wow pynemkaam kam kini ki kyntien pyrchah ya ka chnong ka thaw hap chwa u pyrkhat arsien.
Discussion about this post