Uwi u bru wa 31 snem i rta uwa na Mumbai da lai luti u hadooh 13,374 Km wow poi ha North Carolina, USA, yow yachem wa ka khynnah wa 17 snem kawa Block oo ha Social Media.
Ya uni u bru da tip kam u Preet Pankaj Jain heiwa neiliang ka Office ka Davidson County Sheriff da pyntikna ko yeini wa da kem ya u Preet ha ka 24 tarik u September 2026.
U Preet da pynemkaam u da ka kari Uber wow booddien ya ka khynnah wei manda suba sih uwa yah ka kari wei dei sñiawkhia yei chngaaiñ yong ka da pyntip noh u cha ki pulit.
Chwa wow yoh u Preet u yachem wa ka khynnah da poi noh ki pulit kiwa da takit ya oo heiwa da khana u wa wan e tiar sñiawbha u ya ka wei manda ngam yillu da chem ki pulit wa ka khynnah toh kawa dang khian rta.
Hawa pynman ya ka Forensic Examination ya ka Mobile u da chem wa da jooh yaklam u wa ka khynnah lyngba ka Snapchat, Instagram wa Facebook la kamwa 2 snem tangwa da murieh u yei rta u.
Ki pulit da kam ki leh wa u Preet da yalok u wa ka khynnah deiwa kam wa toh uwa dang khian i rta wei mar tip ko yeiwa sakhiat da Block noh ko oo. Hadien ini da pyrchang u wow pynyatoh lok biang wa kani ka khynnah tangwa ym ye de u, kamtæ da rai u wow lai cha USA.
Ya u Preet da pynngat hapoh ki kyndon wa thmu u leh khlemakor ya ka khynnah wa kiwi.
Discussion about this post