Kiwa lai luti da ka lieñsuiñ ka Fly Dubai kawa man ka Boeing 737 kawa mih na Dubai yow lai cha Tel Aviv, Isreal ynne ka sngi kawa kit hadooh 180 ngut ki nong Israel, da lait im ki hadien wa u Co-Pilot da mut u wow pynhaap ka cha khyndaw dei thmu wow pynyap ya waroh kiwa em hapoh.
Ka khubor wa da mih da ong u u Captain kani ka lieñsuiñ toh uwa tip kam u Smit Machchhar uwa na India uwa sah ha Dubai, da chah dung u ha u Co-Pilot uwa na Oman uwa da pyrchang wow chimkti yabor ya kani ka lieñsuiñ hadien 15 minit nadooh wa hær ko.
U Smit da pyrchang u wow yaleh pyrchah tangwa da chah dung u boonsien.
Yeini waroh da sñiaw da kiwi kiwa em hapoh ka lieñsuiñ kiwa da psiah yabor chapoh ka Cockpit wa em ki Pilot wei da ye ki wow ksoh ya u Co-Pilot heiwa uwi da ong u wa da ksih u oo.
Heipor wa jia ini da noh kani ka lieñsuiñ na 34,000 ft cha 20,000ft du hapoh 30 Second.
Kani ka lieñsuiñ da ye ko wow hiar ha Saudi Arabia hadien wa jia ini waroh.
Neiliang u Prime Minister ka Israel, u Benjamin Netanyahu da ong u wa katkam wa yachem u wa kiwa em hapoh kani ka lieñsuiñ, da khana ki wa da psiah yabor ki chapoh ka Cockpit mar ya suba ki wa em iwa jia hadien wa noh syndet ka lieñsuiñ wei da yoh ki wow ksoh wei ksih ya u Co-Pilot uwa da mut wow leh yei kaam wa sih.
Da embhah leh wa da em ar ngut kiwa lai luti hapoh kani ka lieñsuiñ kiwa man kam ki Pilot kiwa da chimkti wow pynhiar ka ha Tabuk Airport ka Saudi Arabia wei ya u Pilot wa mynsoo da sumaar da uwi u Dentist wa emlang hapoh kani ka lieñsuiñ.
Neiliang ki bor sorkar ka Suadi da kem ki ya u Co-Pilot.
https://twitter.com/nabilajamal_/status/2105241339390804318?s=20
Discussion about this post