Ki pulit da kem ki sa ya uwi u bru heiyatoh wa iwa da jia ha Tura heiwa da chah hiar thma ka yung krehkaam u Montri Rangbah ha i miet ka 24 tarik da ki spah ngut ki bru kiwa da kawang moo, kawang dieñ hadooh wa da mynsoo 10 ngut ki pulit, kawi ka Home Guard wa 7 ngut ki CRPF.
Uni uwa chah kem da tip pyrtuid kam u Sengbath D Sangma wei da chah pynbaad u wa da pynchit bru u deiwa thoh ha ki Social Media wow lai hiar thma yei yung u Montri Rangbah ha Tura deiwa kyntu ya ki paidbah wow e dei mynsien kamwa da jia ha ka 30 tarik u Naikhynde 2005.
Yeini da ong u deiwa pynknymoo ya 9 ngut kiwa yap hadien wa siat ki pulit ha u 2005 hadien ka yalang paidbah yow pyrchah yei phiah ya ka Meghalaya Board of School Education (MBoSE) iwa da poi chei ya tyngkhooh hapyrdi ki pulit wa ki paidbah ha Tura wa Williamnagar.
Soo ngut da chah siat yap ki ha madan Chandmary, Tura katwa san ngut won da yap ki ha madan Rongrenggre, Williamnagar.
Discussion about this post