Chah kem uwa thang pynmynsoo ya ka kurim ha West Jaiñtia Hills

Ki pulit ka West Jaiñtia Hills ynne ka sngi da kem ki ya uwi u bru wa tip kam u Dahun Dkhar uwa 37 snem i rta uwa na ka chnong Latyrke, East Jaiñtia Hills hadien wa dat wei pynmynsoo u ya ka kurim u kawa 33 snem i rta ha i chnong wa sah ko iwa em hapoh ka Thadlaskeiñ C&RD Block, West Jaiñtia Hills.

Ka khubor wa tikna da ong wa u Dahun da dat u ya ka kurim u ha yung ko hadooh wa yaplær ko wei da thang u yei dur khmat ko wa na rdang iwa da jia ha ka 29-09-24.

Manda che yongbru ko da pyntip ko ya yeiwa jia cha kiwa ha-yung ko wei da kit ya ka cha chnong Kut wow chah sumaar yei kha chah thang ko.

Hadien kattu katni sngi da wan u Dahun wei da yah u ka cha Jowa Civil Hospital wei neini da phah kit ya ka cha Shillong Civil Hospital.

Related posts

Chah tooh kawi ka Scooty wa pynyieñ ha lait ka Woodland WK Hospital

December 12, 2025

10 snem phah kset ya uwa na Mukroh uwa slaitbor ya kawi ka kynthai

December 11, 2025

Hadien wa chah sumaar ko ha Shillong da mih noh ko na Hospital ha ka tayaaw wa ar yong uni u bnai.

Da pynbaad leh wa i daw wa slem u ujor cha ki pulit heiyatoh wa iwa jia toh neidaw wa chah maham kani ka manbei ha u Dahun.

Neiliang ki pulit da Register ki ya ka Case pyrchah ya u Dahun Dkhar heiwa da kem noh ya oo ynne ka sngi hadien wa yut u wei da yah ya oo cha Kasari kawa da phah wow kset ya oo hapoh ka Judicial Custody 15 sngi.