theme-sticky-logo-alt
theme-logo-alt
Advertisement ad1

Chah kem uwa thmu wow lute ya ka Bank of Baroda ha Manipur

Uwi u bru ha Manipur da chah kem u hadien wa pyrchang u wow tooh na ka Bank of Baroda heipor 10:30 i step ka 6 tarik kawa tip kam ka FCI Godown Branch kawa em ha Sangaiprou Lamphel, Imphal.

Uni u bru wa chah kem datip kam u Thongam Ringku (40 snem) uwa da psiah chapoh ka Bank deiwa dawa T. 5 lak na u Branch Manager tangwa hadien wym bien u Manager wow leh yeini, neiliang u Ringku da sai u da ka Pistol wei da maham u leh ya ki wakreh wa em hapoh ka Bank.

Hadien ini da khang u ya ka dwar ka Bank heiwa da chim won u ya ka poisa T. 5 lak na u Cashier.

Uwi na kiwa wan emkaam cha kani ka Bank da ye u wow lai pyntip cha ki CRPF kiwa yang ya kani ka Bank hadien wa yoo u wa em u bru wa rah tiar wa psiah cha kani ka Bank.

Uni u watooh da wan u da ka kari Alto K10 kawa em ya i Number Manipur hi wei manda psiah u chapoh ka Bank da e u ya ka kot wa khana yeiwa thmu heiwa ki wakreh toh u krehlang ki wa oo tangwa hadien wa u Branch Manager da kyntait u, kamtæ da sai u da ka Pistol.

Tangwa neiliang ki chipai ka CRPF da yoh ki wow kem noh ya uni pyn hapoh ka Bank heiwa na oo da yoh ya kawi ka 9mm Pistol, kawi ka tari wa ka poisa wa mut u wow tooh.

Ya uni da ekti cha ki pulit ka Lamphel Police Station.

Advertisement ad1
Share this:
Previous

Da chem ya kawi ka Mark Sheet na Iawmusiang

Next

Daw chit bha ka dorbar lada ym leh ka sorkar iyi iyi hajrong i chah siat yap u Cherish, ong u Process