Chah kem uwa thok bru hadooh Rs. 750 klur deiwa pynemkaam da ki App wa e ram

Ki pulit ka Uttarakhand Special Task Force (STF) da yoh ki wow kem ya u bru wa suba toh u heh kiwa thok poisa ya ki bru hapoh ka ri India hadooh Rs. 750 klur.

Uni u bru toh uwa tip kam u Abhishek Agarwal uwa man kam u Chartered Accountant wei da pynemkaam u da ki App wa e ram cha ki bru deiwa ya krehlang wa ki bru kiwa na China yow chim kabu ya ki hajar ngut kiwa na India.

Ki pulit da pynmih ki da ka Look Out Circular (LOC) heiyatoh wa ki kaam Cyber Fraud heiwa ya u Abhishek uwa na Ashok Vihar, North West Delhi, da yoh wow kem oo na Indira Gandhi International Airport, Delhi.

Hadien ini da lai yah oo hakhmat ka yung bichaar yow takit ya oo.

Related posts

Ha kylla ki dur Blai murieh uwi ya u bhang wa dai u

July 6, 2025

Phah kset ka yung bichaar ya uwa paitsiar ya kawi kynthai heipor wa dang sum

July 4, 2025

Uni u bru da chna u 35–40 tylli ki Company wa em du dei pyrtuid donhi heiwa 13 tylli da Register hei pyrtuid yong oo wa 28 tylli won hei pyrtuid ka kurim u wei da em ki dkhot kam ki Co-Director da kiwa na China. Ka poisa wa da yoh ki deiwa thoh chukor ya ki bru dapoi ko palat Rs. 750 klur.

Uni u bru da chem leh toh uwa da wan yah ya ki bru kiwa na China cha India ha u snem 2019–2020 yow pynkhreh yeini i kaam wei oo leh da lai u cha Shanghai wa Shenzhen ha u snem 2019.

Deiwa pynemkaam da kini ki App wa tip kam ka Inst Loan, Maxi Loan, KK Cash, RupeeGo wa Lendkar, da yoh ki hadooh 15 lak tylli ki Loan Application deiwa kular ya ki bru wa suk u yoh ram khlem da emkaam wow pynbiang ya kiwa boon ki kot ki sla. Manda pynemkaam ki bru ya kini ki App ha ki Phone yong ki, ye wot kini ki bru wow tooh boon jait napoh ka Phone ki deiwa chim ya ki dur ki dar, ki Phone Number wa kiwi de.

Da pynemkaam ki leh ya ki dur wa sai na ki Phone ki bru deiwa maham wow Edit ki deiwa dai sarom ki wei wow phah ki cha kiwa emyatoh ki lada ym su poisa ki. Kiwa boon neidaw wa tieñ ki da su poisa ki cha kini ki bru.

Ki bru na China kiwa da emkti ha ini i kaam katkam wa phla u Abhishek toh u Difan Wang (aka @Scott Wang), u  Zhenbo He (aka @Leo), u Miao Zhang (aka @Cicero), u Yongguang Kuang (aka @Bolt) wa u Wenxue Li (aka @Force).

Heipor wa kem ya u Abhishek da yoh ya ka Passport u, ka poisa Thailand, poisa India, u Power Bank, ki Digital Storage Device, ki sahkti wa ka Apple Watch.

Neiliang u Senior Superintendent of Police (SP), STF Uttarakhand, u Navneet Singh da pyntip u wa ka Case heiyatoh wa ini i kaam da Register nadooh u December 2022 kawa man kam ka Cyber Fraud kawa da leh ha waroh kawi ka ri.