Ynnin ka sngi ki pulit ka Sashastra Seema Bal (SSB), ka Wildlife Crime Control Bureau (WCCB) chirup wa ka Forest Department da pynman ki yei kynreh ha Jyoti Path, Bhetapara (Hathigaon), hapoh Kamrup Metro District, Assam.
Ha ini i kynreh da chem ya kawi ka snieh khla (Tiger Skin) wa 8 tylli ki snieh skai na uwi u bru.
Chwa ini ka SSB ha ka 15 tarik u Naisaphra wa ka 7 tarik u Naikhynde da yoh kem ko ya ki tiar mrad na ki kattu katni ngut ki damok.
U Sudhir Verma, Inspector General, SSB Frontier Guwahati da e khublei u ya ki pulit deiwa ong wa nei yoh khubor wa tikna da ye wow leh yeini.
Da kular u leh wa ka SSB ym chongngiah ko wow yakhun pyrchah ya kini ki kaam ha ki por wow wan.
Discussion about this post