Ki pulit ka North Garo Hills da yoh ki wow kem ya uwi u bru deilang wa i ksiar (Gold Biscuit) soo tylli wa khia 466 Gram ha ka janmiet ka 31 tarik u Naisaphra heipor wa pynsangeh kari ki pulit ha Bolongre Rari Up ha u sarok NH51.
Ya ini i ksiar da chem hadien wa pynsangeh ki pulit ya kawi ka kari Mahindra Bolero Pick-up kawa khlem Number kawa wan neiliang Tura yow lai cha Guwahati.
Uni uwa chah kem da tip kam u Hamidul Haque (27 snem) uwa na Cooch Behar, West Bengal wei i ksiar wa yoh kem toh iwa chongdor T. 25 lak. Da kem leh ya kawi ka Mobile Phone wa ka poisa wa T. 3700.
Uni u bru ym em u ya ki kot ki sla wa biang wa pynyoo neiwon thied u ya ini i ksiar kamtæ da kem noh ya oo wei da phah ya oo cha ka yung bichaar.
Uni u bru da thmu u wow chalan tooh ya ini i ksiar cha West Bengal.
