theme-sticky-logo-alt
theme-logo-alt
Advertisement ad1
Advertisement ad1

Daw jied ya 75 ngut kiwa yah thuk-thuk wow uiñ suwari ya ka thaaiñ North East

Kam chibynta wow pynyoo yei miatdur wa iwa em ha ka thaaiñ North East India, ynne ka sngi da wai pyrda ya ka lai uiñ suwari kawa tip kam ka NEW Expedition (North East on Wheels) ha nongbah New Delhi.

Ha kani ka sngi da wai pyrda da ka Meenakshi Lekhi, Minister of State for Culture & External Affairs, ka sorkar India kawa man leh kam ka kongsan deiwa emlang kiwi wa kynthup ya u Ashish Kumar Chauhan, MD & CEO, Bombay Stock Exchange uwa man ka u symbood kongsan. Wei kani da man ko leh kam chibynta ka lehkmen dap 75 snem i yoh laitlooid ka ri wa da e pyrtuid ‘Azadi ka Amrit Mahotsav’ heiwa daw em leh 75 ngut kiwa yah thuk-thuk ki wow lai soodong ka ri India hapoh i yahkhmat ka Amazing Namaste Foundation.

Ya kani ka lai luti daw kaweh lama ha ka 08-04-2022 na nongbah Guwahati, Assam wei daw yoo ya kiwa yah thuk-thuk na soodong ka ri India deiwa lai jngai da 1400 Km ha ki jylla waphær waphær ka North East hapoh ka phra sngi.

Ha ini i lai luti kini kiwa yah thuk-thuk daw sakhi ki yei mahajon ka Northeast ha ka dustur riti, ka rukom riam, ka rukom baam wa kiwi de.

Ha ini i lai luti daw poi ha Jowai, Moirang, Imphal, Kohima, Bumla Pass, Tezpur wa kiwi de. Kini kiwa chimbynta daw kynmoo warom ki ya ki bru wa khroo ka ri kam ka Rani Ma Gaidinliu, u Kiang Nangbah, u Netaji Subhash Chandra Bose, u Kanaklata, u Jaswant Singh wa kiwi de.

Da wai leh ya ka website ka North East on Wheels kawa yatoh wa i sdang pynpsiah pyrtuid neibynta ini i lai luti. Na kiwa thap pyrtuid daw jied 75 ngut kiwa yah thuk-thuk lyngba ka Senior & Experienced Bikers na soodong ka ri. 

Share this:
Previous

Chi tayaw ym emkaam wow su bai Tollgate ki kari kamai ha Ialong: JSM

Next

Chah kem uwi deilang wa ka poisa thok T. 10 lak wa i ksiar wa chongdor T. 7.65 lak ha IGI Airport