Kiwa chong chnong ka Dobu ha East Garo Hills da ye ki wow pynsangeh yei cha tooh hadien wa lai pyntip ki cha ki pulit hadien wa em wa yoo ya ki bru heipor wa dang tooh ki ha Nengpatchi Forest Gate ynnin i janmiet ka 27 tarik.
Hadien wa kiwa chong chnong da pyntip ki yeini cha ki pulit wa em ha Dobu wa Rongjeng Station, da lai ki wut wut cheini i thaw wei ki bru kiwa dang tooh da yut ki mar ya yoo ki ya ki pulit heiwa da sdang ka ya kdong wa chit bha hadien wa yut uwi na kini kiwa tooh da ka thuk thuk.
Uwa yut da ka thuk-thuk cheiliang ka Dobu da tyrrah u leh ya iwa kær ki pulit tangwa da oor noh u na ka thuk thuk heiwa da yarap kdong won oo da ki paidbah kiwa da yoh oo chwa wow poi u chapoh khloo wei da lai kem ya oo da ki pulit.
Ya uni uwa yoh kem da tip kam u Roby R Marak uwa na Williamnagar.
Katwa kiwi won da yoh ki wow yut chapoh khloo pyn nawa yoo ki ya ki pulit heipor wa dang tooh ki.
Neiliang ki pulit da pyntip ki wa kini ki jooh ki bru toh kiwa da lute ya ki bru wa lai luti na Nengpatchi heipor pyrdi synyaw ka 26 tarik wei ya kiwi ki dkhot kini kiwa lute bru dang thooh ya ki.
