Jowai: Ka seiñ NEIPF-Youth Wing Narpuh da pyntip ko wa ynnin i miet da kreh chitom ki wow yada ya kawi ka khynnah kynthai kawa mut wow chah thombor ha u chipai BSF uwa tip kam Depenkar Ghosh wei da pynngat ya oo ha ka kyndong ain- Case no – 30(8)18,U\S 9(b)(iii)10 Pocso Act.
Ka seiñ da ong ko mar ya tip ko yeiwa jia da lai ki wut wut wow kem ya uni u bru deiwa ya krehlang wa ki pulit wa da emlang u In-charge ka Lumshnong Police Station u W. Nongtdu.
Neiliang u President ka seiñ u Yoomeki Kyndait da e yaroh ko ya u In-charge ka Lumshnong PS uwa da kem ya uni u chipai ka BSF wa kiwi kiwa yarap kam u Marshal Biam kamjooh ya kiwi ki seiñbhalang wa yarap lang.
Ini waroh da jia i heipor 8:30 i miet haka chnong Chehruphy – Lad Goldstone wei kini ki chipai BSF toh kiwa wan sah chipor ha Meghalaya cement Ltd, Topcem kawa em ha ka chnong Thangskai katkam wa pyntip ka seiñ.
Discussion about this post