Jowai : Katkam ka yutip wa yoh na ki pulit ka Jowai Police Station da yoh ki ya ka ujor na uwi u bru lyngba ka Phramer Traffic Cell.
Uni u bru da pyntip u wa da yoh phone u na uwi u damok (wym tipmit) ha ka 28 Naitung uwa da maham wei dawa T. 2 lak na oo wei lada ym su u daw thang uni u damok ya ka kari yong oo.
Related posts
Neiliang ki pulit da sooh buit ki wow yang khap ya uni u damok ha ka 29 Naitung najan ka Rajasthan Hotel tangwa uni u damok da yoh u wow yut khlem yoh ya ka poisa.
Manda takit bha ki pulit da chemdien wa uni u damok toh u Everist Dkhar uwa 26 snem na ka chnong Pasyih wei chong sah u ha Thadmuthlong A wei da kem noh ki ya oo ha ka 8 tarik uni u bnai na yung ka kurim u na Thadmuthlong A wei manda takit u Everist da phla u yeini i kaam.
Discussion about this post