Chah kem uwi u muktiar wa chna thok ya ka hukum ka yung bichaar

Ki pulit ka North Garo Hills ha ka 10 tarik uni u bnai da kem ki ya uwi u muktiar uwa tip kam u Kunal Kanti Saha Roy uwa na Guwahati, Assam hadien wa chem wa pynemkaam u ya ki kot ki sla wa chna thok.

Uni toh uwa yasaaid aiñ hapoh ka Guwahati High Court heiwa da kem ya oo na Resubelpara hadien wa sai u ya ka hukum yung bichaar wa da chna thok heiwa da pynemkaam u leh ya ka muhor wa da chna thok kamjooh da soi thok leh yei pyrtuid u Judicial Magistrate First Class, North Garo Hills heiyatoh wa ka takit wa da pynman da ka Bajengdoba Police Station.

Related posts

Chah ah khlieh uwa na India ha US hadien wa mih i kajia neidaw ka Washing Machine

September 12, 2025

Le snem phah kset ka yung bichaar ya uwa pyrchang wow slaitbor ya ki le ngut ha Iawthymme

September 11, 2025

Heiyatoh wa ini da ujor FIR pyrchah ya uni u bru pyn da u Judicial Magistrate First Class ka North Garo Hills wei da kem ya oo da ki pulit ka Resubelpara PS wei da pynngat ya oo hapoh ka kyndon 465/466/467/468/471/472/34 ka IPC.

Ki pulit ka North Garo Hills hei yahkhmat u Dy.SP da lai kynreh ki yei yung uni u bru ha Guwahati wei da chem chooh chooh ki sabut wa pynemkaam u yow chna ya ka hukum. Uni katni da kset ya oo da ki pulit katwa dang pynman ya ka takit.