Chah kem uwi uwa yaroh ya ka Pakistan wa LeT yeiwa jia ha Pahalgam

Katwa ka ri waroh kawi dang sñiawsih ko neiwa jia ha Pahalgam, u Mohammad Naushad uwa 35 snem na sor Bokaro, Jharkhand da chah kem u neidaw wa lehkmen u yeini deiwa thoh ya ki kyntien ha social media iwa da pyntakha ya kiwa boon.

U Naushad da thoh u ha Instagram wa X wow ekhublei ya ka Pakistan wa ka seiñ kieñsuloi, ka Lashkar-e-Taiba wa da yap ki 26 ngut ki bru ha Pahalgam, iwa man iwa joor dooh nadooh iwa jia ha Pulwama.

Chooh chooh da thoh u wa daw kmen chooh ki lada chah dat sa ki RSS, BJP, Bajrang Dal wa ki Media kamjooh deiwa booh ya ki emoji wa rkhai.

Du hadien kattu katni por da em ki bru kiwa da tag ya ki pulit ka Jharkhand wow dawa u kem ya oo.

Related posts

Ha kylla ki dur Blai murieh uwi ya u bhang wa dai u

July 6, 2025

Phah kset ka yung bichaar ya uwa paitsiar ya kawi kynthai heipor wa dang sum

July 4, 2025

Ki pulit da ong ki wa u Naushad toh uwa da lai puræ ha madrasa donhi wei sah u wa u pa yong oo ha Makhdumpur, Bokaro. Da pynemkaam u leh boontylli ki Social Media Account deiwa pynemkaam ya ka SIM card hei pyrtuid u payu u, uwa sah ha Dubai.

U SP ka Bokaro, u Manoj Swargiari da sdang u ya ka Special Investigation Team (SIT) wa khlieh da u Inspector Naveen Kumar Singh heiwa da kem noh ya u Naushad.