Uwi u bru wa kam ya idæ kam u Army Captain da chah kem u ha 101 Area Shillong, wei uni u bru da tip kam u Sarchehon Rongpi uwa na Karbi Anglong District, Assam.
Uni u bru uwa da riam leh kam u sahep chipai toh uwa dadep lai psiah cha kiwa boon ki thaw ki chipai hapoh ka ri heiwa da lai riñ Video wei chondor ya ki tiar ki chipai nadooh ki suloi AK-47, ki thaw sah, thaw im ki chipai hadooh ki kari chipai hawa lai wa wan ki.
I parom wa poi chei chah kem u toh wa haka 22 tarik uni u bnai, heiwa uwi u chipai ka 101 Area CSD Canteen da yoo u ya uni u bru wa riam kam u bru paidbah uwa da mut wow psiah cha kani ka thaw ki chipai wei manda pynsangeh oo da kam u toh u Captain ka Assam Regiment tangwa da artatien nei rukom riam u i wym yahaap kam u Captain heiwa da paan ya ka ID yow pynsakhiat tangwa ym em e u.
Uni u bru da pynyoo pathan u da ki dur ha ka Mobile u wa em u ha kiwa boon ki thaw ki chipai wei da kylla ktien u deiwa ong wa man u kam u chipai ka 119 TA Assam hadien won da ong u wa man u kam u chipai ka 15 TA Assam.
Hawa takit chooh chooh ya oo da ong won u wa oo toh uwa na Arunachal Pradesh wei da man u kam uwa kit tiar wei uwa chet ja ya ki chipai.
Hadien ini da lai rah oo cha Jhalupara Police Outpost deiwa e lang waka FIR.
Katkam ki dur wa da chem na Mobile uni u bru da yoo wa da yoh u psiah u mih khlem da em wa suba ha kiwa boon ki thaw chipai hadooh wow lai luti lang wa ki chipai.
Discussion about this post