U Montri Rangbah ka jylla, u Conrad K Sangma ynne ka sngi da pyntip u wa ki pulit da kem ki ya uwi u bru uwa da suba wa emkti wow dat ya ki bru katwa dang lai Rally ka FKJGP ha Shilong.
Da pyntip u wa ka sorkar da chong yalang ko ynne ka sngi wow booddien yei chongsuk hapoh jylla hadien wa mih i awri ha ka 28 tarik uni u bnai, wei da phah ya ki pulit wow leh yeiwa emkaam khnang wow pynneh yei chongsuk ha nongbah Shillong wa ha ka jylla waroh kawi.
U Conrad da ong u leh wa ki pulit da ujor ki le tylli ki mukotduma (FIR) ya boon ngut ki bru kiwa tip khmat kiwa da lai dat ya ki bru paidbah ha kani ka sngi khnang wow leh yeiwa emkaam.
Chooh chooh da ong u wa katkam ka yutip wa da yoh da em 3 ngut ki bru kiwa da mynsoo ha kani ka sngi, kamwa le næ soo tylli ki kari kiwa da chah pynsih kiwa kynthup ya ki Scooty wa kawi ka Gypsy ki chipai.
