Jowai : Ha kani ka 27 tarik yong uni u bnai wada dep u Divisional Forest Officer (T) ka tnat Forest ka Jaiñtia Hills hei emlang ki bor pulit da li khang ki ya 12 tylli ki Sawmill næ ki thaw ah dieñ wa em cha thaaiñ Iooksi kiwa krehkaam pyrchah ya ka aiñ neidaw wa em ki chabar ka Industrial Estate wa em ha Khliehtyrshi. Ini toh nadooh wa mih ka hukum ka Supreme Court hadien wa chah khang i ah dieñ pynsih hapoh ka ri.
Ka KSU Iooksi Unit da pynsñiaw ko yei sñiaw chah leh chilliang neibhah ong ki dang boon ki Sawmill wa em cha ki chnong Sapahi, Mowkaiaw, Sahsniang, Laskein ter ter ym em chah khang wei da khang du hakani ka chnong donhi.
Ka seiñ leh ong ko wa ym em pyrchah ko yeini i khang tangwa manda khang toh u khang lut waroh ym toh u pyllait ya kiwi.
Neilaing u DFO(T) u ma J. Pohsngap hei yaklam u wa u Wyrta ong u, wa waroh hi ki Sawmill wa em cha palat ka Industrial Estate man ki kiwa be-aiñ wei daw khang lut yaki waroh. Weiwa ki bor ka chnong ymtoh u chah ki u em kini ki Sawmill ha ki chnong ki lait noh du haki Industrial Estate.
Discussion about this post