theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Chah khut ka Sur ka Bri u Hynñiewtrep ha ki pulit chwa i kynmoo ya ka sngi yap u Cherish

Hadien wa ka Sur ka Bri u Hynñiewtrep da pynbna ko ya ki yakhih waphær waphær wow kynmoo warom yei dap chi snem ka sngi yap uwa yahkhmat warim ka HNLC, u Cherish Starfield Thangkhiew, neiliang ki pulit da khut yaklam ki ya kiwa yahkhmat yong kani ka kynhun ha Mawlai Police Station, khamtam hajrong i pynbaad wa em i pynbor wym toh u wah ya ki lama India ha ka lehkmen ya ka sngi yoh laitlooid wa 75 snem.

Hawa klam hadien i yachem wa ki pulit, uwa yahkhmat ka Sur ka Bri u Hynniewtrep, u Donboklang Kharlyngdoh da khana u wa i yachem wa kyrpang yong ki pulit ya ki dkhot ka Sur ka Bri Hynniewtrep, toh hadien i yaklam hajrong ki yalang wa da booh wow pynman nadooh ka 12 tarik hajrong i dap chi snem i khlaad uwa yahkhmat warim ka HNLC.

Advertisement ad1

Da khana u wa da yaklam leh ya ki yalang wa daw pynman mynstep ka sngi wa ka kynhun da booh ko wow pynyoo paidbah ya ka ‘Documentary Film’ wa tbian hajrong u Cherish, wei kawi ka phang wa da yaklam toh wa em kiwa da yah bakla deiwa pynbaad wa ka Sur ka Bri u Hynniewtrep da pynbor ko wym wah ya ka lama India, tangwa wow wah ya ki lama yong. Da ong u wa ka kynhun da klam che ko wa ym kwah ko wow pynyabi lang ya kani ka phang wa u Cherish wa ka lehkmen sngi laitlooid, neibhah neiliang yong ka kynhun ym em pynbor wym toh u wah lama India lane wow wah lama yong.

Hawa kylli hajrong i wym chah u wan pulit cha Mawlai nadooh ka 12 tarik, u Donbok da ong u wa kani ym em mih ko na ka Sur ka Bri u Hynniewtrep, tangwa da ong u wa lada ym em ki pulit u rap bha wei daw ye u lehkmen ya kani ka sngi deiwa lai bait lai ryntih, neibhah wot ha u snem wa da dep leh ki paidbah da pynyoo ki yei chrai ya ki pulit.

Advertisement ad1
Share this:
Previous

Da jan dep i takit hajrong i oor i tnoom kyllung ka yung dorbar wa thymme ka jylla 

Next

Phah mih ka Manipur ya kiwa kreh sorkar na ki Social Media Group wa embynta lang ki