U MLA ka Mawlai, u Brightstarwell Marbaniang da chah ksoh u ha ki pulit heipor wa dang lai luti u yow lai chimbynta haka yalang chong kyllaiñ myngngor wa da khut pynman da ka VPP ynne hakhmat ka Meghalaya Secretariat wa em ha Shillong yow pyrchah yei pyndam kreh ya ki le ngut ki Officer ka Lokayukta.
Ya u MLA da synraan lang wa kiwa kyrchaan yong oo deilang wa u General Secretary ka VPP, u Ricky J Syngkon uwa man leh kam u kyrtong MP ka Party.
Neiliang ka Magistrate wa ki pulit wa em heini i por da kyrpaad ki ya u Brightstarwell wow dam u lai heiwa kiwa kyrchaan yong oo da maham ki wym toh u tba kti ya u MLA uwa da toor bait chakhmat.
Ki pulit da pyrchang biang ki wow khanglaad deiwa pteiñ wow kyrpaad wei wow khang ya u MLA neidaw wa da pynkrehkaam ya ka Section 144 CrPC ha ki bynta wa em hajan ka Secretariat wei kamjooh leh hajan ka Raj Bhavan.
U MLA da pteiñ u wow toor chakhmat hadooh wa poi ha laad High Court ka Meghalaya heiwa ym em de yoh ki wow lai chakhmat.
Kiwi de ki MLA ka VPP kiwa da poi lang toh u Heaving Stone Kharpran wa u Adelbert Nongrum.
Khaddooh neiliang ka VPP da sai ki da ki Banner wei da chong ki hapyrdi sarok.
Discussion about this post