15 49.0138 8.38624 1 0 4000 1 https://wyrta.com 300 0

Chah ktah dooh ka West Jaiñtia ha ki bor ka Rymaw hapoh ka jylla: Kyrmen Shylla

0 Comments
Advertisement ad1

Shillong: Em hadooh 145 sien wa ka rymaw da pynjæd tympra ko ha kani ka chisnem ha ka jylla waroh kawi, wei ki thaw wa chah ktah bha toh ka West Jaiñtia Hills District, heiwa da sakhi hadooh 48 sien i ktah ha i bor ka rymaw ya ki chnong wa ka District.

Ya ini da pyntip u montri ka tnat Revenue & Disater Management, u Kyrmen Shylla hawa jubab yeiwa kylli u MLA ka Mawsynram, u Himalaya Shangpliang ha dorbar ynne ka sngi.

U montri da ong u wa na kini wa chah pynjæd bha toh na i dat u phria wa heh, da ong u wa kiwi ki thaw wa da chah ktah kynthup ki ya ka West Garo Hills 29 sien, South West Garo Hills 13 sien, West Khasi Hills wa East Garo Hills 12 sien, East Khasi Hills 8 sien, Ri-Bhoi District 6 sien, South West Khasi Hills wa North Garo Hills 5 sien, East Jaiñtia Hills 4 sien wa ka South Garo Hills 3 sien.

Da pyntip chooh chooh u wa ki manyung wa da chah ktah joor bha na i bor ka rymaw em ki 1,79,175 tylli ha waroh kawi ka jylla wei kiwa da yoh yarap na ka sorkar lyngba ka State Disaster Relief Fund toh 1,54,596 tylli.

U montri da pyntip u leh wa i e yarap poisa man ni T. 60 ya kiwa da heh wa T. 45 ya kiwa dang khynnah.

U Kyrmen ym em won jubab u yeiwa pynrap u Himalaya, ya i daw ba ka sorkar ym em e yarap ko cha ki 24, 579 tylli ki manyung kiwa da chah ktah.

Heipor wa jubab yeiwa kylli neiliang u montri da sdang kulmar u heiwa u MLA ka Congress da ong u wa u montri da kulmar u neidaw wa wa tooid ki kot khian (slip) na ki sahep kiwa chong chadien, da ong u wa u montri da toh u pynkhreh bha u hawa wan u ha ka dorbar neibhah wa emkaam wow tip yeiwa emkaam chwa.

Ha ini i por u Montri Rangbah da yieñ u wow yarap ya u Kyrmen, wei da ong u wa i pynlang ya kiwa chah ktah ha ki bor ka rymaw da leh na ki Block da ki Gram Sevak wei yeini daw phah cha ki Deputy Commissioner yong ki District.

0 Comments

Leave a Reply