U Montri ka sorkar uwa man leh u MLA ka Amlarem, u Lahkmen Rymbui ynne da kubur u wa hiar wei chah ktah i kamai ki bru ha thaaiñ War Jaiñtia nei chna ya u sarok Shillong-Dawki uwa da pynthut yei lai i wan ki Tourist.
Da ong u wa ka sorkar jylla wa sorkar pyrdi sñiawthooh ki yei kor ki kaam uiñke suwari tangwa emkaam leh ya u sarok deiwa pynrap wa ka Meghalaya toh kawa da kyrkhu dei miat ki thaw wei ymye u pynku ya ki kaam uiñke lada ym miat ki sarok.
U Lahkmen da e khublei u leh ya ka sorkar pyrdi wa chna ya u sarok hanla da hiar leh i wan ki Tourist cha kani ka thaaiñ.
Chooh chooh da ong u wa emkaam u man kiwa yaichah wei da yooluti u wa ym slem de daw ye u pyndep noh yei kreh ya u sarok.
Da ong u leh wa emkaam u man kiwa syndong neibhah lada slap kajiak leh da em i oor khyndaw ha lynter u sarok.
Discussion about this post