Ka JNC Western Zone hapoh i yahkhmat u President yong ka, u Hamehi Bamon deilang wa ki dkhot ka seiñ, ynne ka sngi da lai yachem ko wa u Minister ka chnat Education, u Lahkmen Rymbui wow dawa pynmih noh ya ka Advertisement ya kiwa dadep MTET neibynta yong ki kreh Government Lower/Upper Primary School Teachers heiwa da e leh chirup wa ka dorkhat ha kti u Minister.
Ka seiñ da pynsñiaw ko deiwa sñiawkhia wa da em ki Post sikai kiwa lait kamwa 677 tylli ha waroh kawi ka jylla Meghalaya, wei ya kini ki kreh wa lait ha man ki District waphær waphær man ki kamni:
East Khasi Hills: Shillong (53), Sohra (6)
Ri-Bhoi: Nongpoh (30)
West Khasi Hills: Nongstoiñ (21)
Eastern West Khasi Hills: Mairang (29)
South West Khasi Hills: Mawkyrwat (29)
West Jaiñtia Hills: Jowai (44), Amlarem (27), East Jaiñtia Hills: Khliehriat (31)
West Garo Hills: Tura (80), Dadenggre (47)
South West Garo Hills: Ampati (84)
East Garo Hills: Williamnagar (50)
North Garo Hills: Resubelpara (71)
South Garo Hills : Baghmara (75)
Ka seiñ da pynsñiaw ko leh wa ki bru kiwa dadep ya ka MTET dapoi ki hadooh kamwa 31,000 tam, da ong ko leh wa da boon ki bru kiwa dajan palat rta, kamtæ da kyrpaad wow pynmih noh ya ka Advertisement yong ki kreh wut-wut yow man kawa khooid wei wow yoh ki u chimbyntalang khnang wow pyndap ya kini ki kreh wa lait ha kiwa boon ki skur.
Ka seiñ da ban joor ko leh wa neidaw wa hiar i puræ puthi haka jylla leh ye u man neidaw wa duna ware kiwa sikai.
U President ka Western Zone da ong u leh lada pynboon ya kiwa sikai man ko i kyrkhu ya ki bru yong i, man ko leh i ku ha i puræ puthi hapoh ka jylla hi waroh kawi.
Neilang yong u Education Minister da kular u ya ka seiñ wow pynman næ wow pynmih noh wut-wut ya ka Advertisement heiyatoh wa kini ki kreh kiwa lait hapoh ki kattu katni donhi ki bnai yong uni hi u snem.
Discussion about this post