15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Chah ktah ki chnong khappood ha ka æryong wa u phria

0 Comments

Khliehriat: Ha kani ka 17 tarik uni u bnai heipor kamwa 3:30 nohchariñ ka sngi, ka æryong wa u phria da ktah ki ya ki chnong ka East Jaiñtia Hills District kiwa em ha khappood wa ka ri Bangladesh. 

Kini ki chnong wa chah ktah kynthup ki ya ka Umkiang, Kuliang, Prytakuna wa kiwi kiwi. Kani ka la-ær da wanrah ko ya u phria uwa da ktah ya ki yung bru kamjooh leh ki mar rep ki paidbah ha kini ki chnong. 

Advertisement ad1

Uni u phria da ktah joor u ya u kwai, u pathi, ki dieñ soh wa kiwi kiwi. 

U Pardonwell Lyngdoh, u waheh chnong ka Umkiang da pyntip u wa boon tylli ki yung ki sem yong ki paidbah wa chong chnong da chah khyndang ki ha ka æryong wei wa da chah ktah ki leh ha u phria. Da pyntip u leh da wan ki ar ngut kiwa chong chnong kiwa dang wan pyntip ya ini cha oo ka Kynjai Rymbai wa u Pre Surong kiwa da chah rah i tnoom ha yung ha ka æryong.

Chooh chooh da pyntip u wa ki bri rep kwai rep pathi, ki bri soh da chah pynoor ki ha ka æryong kawa joor wa u phria kat hadooh wa da wanrah ya i doohnong kawa joor bha ya ki warep.

Ini man i leh i por wa phooh syntu bha ki dieñ kwai, wa kiwi kiwi de ki jait soh wei dang em ki thaw wa uni u phria dang neh u hadooh ynne ka sngi.

Previous
Next

0 Comments

Leave a Reply