Jowai: Ka dorbar chnong Mookhep da rai ko wow dam u e yei kyrchaan ya u kyrtong ka NPP ka Musniang Rangad, u Phasmon Dkhar deiwa rai leh wow kyrchaan noh ya u kyrtong ka UDP u Amos Dkhar wei yeini da rai ka dorbar yong ka chnong Mookhep ha ka 16 tarik uni u bnai.
Ya i rai wow kyrchaan ya u Amos Dkhar toh wa man u u kyrtong ka UDP wei lada wan u cha ka thong daw suk u yakreh lang wa u MLA ka 6 Khliehriat u Kyrmen Shylla kam u montri ka sorkar jylla wei khnang wa ki kaam pynroi daw ye u wanrah ha ka chnong.
Neiliang u waheh chnong ka chnong, u Denis Siangshai da pynche u leh wa ka chnong ha kani ka dorbar da chim noh ko ya kani ka rai wa skem wow kyrchaan pur ya u Amos.
Kani toh katkam ka wyrta na u Francis Dkhar uwa man u Secretary ka chnong Mookhep.
Also Read: Sñiawngooh ka chnong Mookhep ya u Phasmon wa pynemkaam hok u ya ki Scheme MDC
Discussion about this post