Ka War Jaiñtia Students’ Union (WJSU) ha ka 26 tarik uni u bnai lyngba ka chithi wa da phah ko cha u Project Manager ka National Highways & Infrastructure Development Corporation Limited (NHIDCL), Regional Office Shillong, da dawa ko wow sangeh i noh khyndaw chapoh ka wah Umngot wei u pynchna leh yaka luti lai kjat kawa da pyndoohnong ya kiwa boon ki chnong hadien wa chah pynsih pynpra ko neiwa pynkreh ya u sarok Shillong-Dawki.
Ka seiñ ong ko wa i leh wa kam kani wym toh du wa chah ktah ka ram-aw tangwa da chah pynjæd pynpra leh ki luti kjat wa da chna nadooh warim deilang ki moopynyieñ wei da doohnong leh ki bru wa chong wa sah ha Amkoi, Nongbareh, Khonglah, Kudengrim, Darrang wa Shnongpdeng kiwa jooh pynemkaam pateiñ la pateiñ neibynta u lai yaaw lai haat yow poi cha Dawki.
Da ong leh wa kini ki luti toh kiwa em leh ki parom yong warim wei da man ki leh kam chibynta ka imlang sahlang.
Kamtæ da kyntu wa hawa pynkreh ya uni u sarok, toh u pait leh ha waroh arliang itæ wow pynbiang yeiwa emkaam wei u wow yada ya ka ram-aw deiwa pynchna biang ya kini ki luti lai kjat u warim wajah.
Discussion about this post