Chah kyntait ka Bill wa wanrah u Adelbert yow booh bhah ya kiwa dooh wa duk ha ka Reservation Policy

U MLA ka North Shillong, u Adelbert Nongrum, ynne da wanrah u ya ka The Meghalaya Reservation for Non-Creamy Layer of Scheduled Tribes (in State Reservation Policy) Bill, 2024 yow tyrwa hakhmat ka yung dorbar chna aiñ tangwa da chah kyntait ko hadien wa u Deputy Speaker, u Timothy D Shira da khut u da ka Voice Vote heiwa kiwa boon ym bien ki wow pdiang ya kani ka Bill.

U Adelbert da ong u wa da wanrah u ya kani ka Bill yow booh ya ka bhah namo ka Reservation neibynta kiwa dooh wa duk (Non-Creamy Layer) kiwa man kam ki Scheduled Tribe ka jylla hapoh ka Reservation Policy.

Da ong u wa da yoo wa kiwa boon hi ki ST toh kiwa tlot wei ym ye ki wow yakhun wei katkam ka Article 16 (4) wa 15 (5) ka Constitution ka India chah hi ko wow pyntikna wow e myntoi hapoh ka Reservation yow yarap ya kitu kiwa dang sahdien.

Chooh chooh da kdaw u yeiwa rai ka Supreme Court ini wa dep wa chah hi wow phiah chooh chooh namo ka Sub-Classification ya ki Scheduled Caste wa Scheduled Tribe heiwa yeini da pynkup bor ha ki jylla wow leh ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa da emkaam wow pyndooh noh yei em kiwa mahajon wa kiwa dooh deiwa pynyoh laad i jooh khamtam ha ka puræ puthi wei da emkaam da ka aiñ wa biang yow ye u kyntu kynrong ya kitu kiwa dang sahdien.

Da kdaw u leh wa kiwa mahajon em ki du kamwa 10% tangwa da ksoh ki yei bor wow synchaar ya ki 90% kiwa dooh.