Kawi ka manbei da lai kyrkha lai tim ko ya u Montri sorkar ka Maharashtra, u Girish Mahajan hadien wa pynsahkut u ya ki kari wa lai wan da ki kynta heiwa kani ka bru da yoh yaroh ko na kiwa boon kiwa da ong wa man ko kam i sur ki paidbah.
Ini toh iwa da jia ynnin ka janmiet heiwa da pynman ya ka Political Rally da ka BJP heiyatoh wa ka Women’s Reservation wa kiwi de ki Bill kiwa da chah pynrem hapoh Lok Sabha ha kini ki sngi wa dep.
Ha kani ka Rally kawa da booh wow sdang heipor 5:00 waje i janmiet, da mih leh kiwa boon ki kynthai wow chimbynta wei da toh u sdang ko na Jambhori Maidan ha Worli wei wow pynkut ha Dome wei ka Jambhori Maidan toh ka thaw wa khynnia bru bha.
Kani ka yalang da pynsahkut ko leh ya kiwi ki sarok wa yabilang iwa da pynchrai ya kawi ka kynthai kawa da sahkut da boon kynta deiwa mut wow lai thooh ya ki khon ko na skur wei dei wym neh chah de wei deiwa chrai da hiar ko napoh kari yow lai klam markhmat wa u Montri sorkar.
U Girish Mahajan heini i por dang yaklam u wa kiwa thoh khubor heiwa kani ka bru da ong ko ya oo wow mih u na kani ka thaw neidaw wa da pynsahkut u ya ki kari. Da kylli ko leh ya oo wa lada sñiawthooh u yeini neibhah da ki spah ngut ki bru kiwa da sahkut. Da kdaw ko leh cha ka madan wa em ha kani ka thaw kawa thylli deiwa kylli ileh wym em pynemkaam ka.
Da kylli ko wa kammon kamni u yaklam wa kiwa thoh khubor hapyrdi sarok wei da beiñ ko leh ya ki pulit wa em ha kani ka thaw ki wym ye u wow pynlait yei sahkut kari.
Ki pulit da ye ki wow khut ka cha rood yow yaklam.
Discussion about this post