Ka District level Inter School Athletic Meet 2022 ka West Jaiñtia Hills kawa le sngi dapoi noh ko cha wakut ynne ka sngi kawa pynman da ka yung krehkaam u District Sports Officer waka West Jaintia District Sport Association ha Kiang Nangbah Stadium.
Hadien wa da pyndep ya ki yakob wa boon jait, kiwa jop man ki kamni ha wah:
Haka Under-14: U Adrick Da E Mi Tre Pathaw uwa naka North Liberty Higher Secondary School da yoh u yei naam Best Male Athlete waka Ham Myllin Phawa kawa na Jowai Government UP RMSA kam ka Best Female Athlete .
Haka Under-16: U Ioh I Ksah Lyngdoh naka Government Boys’ Higher Secondary School da yoh u yei naam Best Male Athlete katwa ka Aroma Lyngdoh na JNV Mukhla da yoh ko yei naam Best Female Athlete.
Haka Under-18: U Sajeki Miki Shylla naka North Liberty Higher Secondary School da yoh u yei naam Best Male Athlete katwa ka Ri Deimaya Pasi na JNV Mukhla da yoh ko yei naam Best Female Athlete.
Yei naam Best Team da yoh:
Haka Under-14: Ka North Liberty Higher Secondary School da yoh ko yei naam Best Team ha chynrang wa ki kynthai.
Haka Under-16: Ka Government Boys’ Higher Secondary School da yoh ko yei naam Best Team ha ki chynrang katwa ka North Liberty Higher Secondary School da yoh ko yei naam Best Team ha ki kynthai.
Haka Under-18: Ka Government Boys’ Higher Secondary School da yoh ko yei Best Team ha ki chynrang katwa ka Kiang Nangbah Higher Secondary School da yoh ko yei naam Best Team ki kynthai.
Yei naam Best Discipline School da yoh ka St. Michael & All Angels Secondary School, Jowai.
Yei naam Overall Champion da yoh ka North Liberty Higher Secondary School deiwa da jop ko 17 tylli ki takma ksiar.
