Ka sorkar Meghalaya ynne lyngba ka chnat Personnel & A.R. da pynmih hukum ko yow kyrriah ya ki kattu katni ngut ki DC kamjooh ki sahep sorkar kiwa man kam ki IAS wa MCS kiwa em ha kiwa boon ki chnat sorkar.
U DC ka East Jaiñtia Hills, u A. Baranwal, IAS (RR:2018) da kyrriah noh oo wei da thung ya oo kam u DC ka Ri-Bhoi District.
U DC ka South Garo Hills, u S. Awasthi, IAS (RR:2019) da thung ya oo kam u DC wa thymme ka East Jaiñtia Hills.
Neibynta ka South Garo Hills daw pait da u Pilot R. Marak, MCS uwa man kam u Additional DC kani ka District wa katni.
U DC ka East Khasi Hills, u S.C. Sadhu, IAS (RR:2011) da kyrriah ya oo wei da thung ya oo kam u Secretary ka sorkar Meghalaya ha ka chnat Community & Rural Development, Fisheries, Animal Husbandry & Veterinary neitæ kam u Director ka Water Resources Department kamjooh u Director ka Community & Rural Development.
Ka R.M. Kurbah, IAS (SCS:2010) kawa man katni kam ka Secretary ka sorkar Meghalaya ha ka chnat Community & Rural Development, Fisheries wa kiwi de wei kam ka Director ka chnat Community & Rural Development da kyrriah ya ka wei da thung ka kam ka Deputy Commissioner ka East Khasi Hills District.
Ka I. Laloo, IAS (RR:2013) da pyndooh noh yei man ko kam ka Director ka chnat Sports & Youth Affairs tangwa u man ko kam ka Secretary ka sorkar Meghalaya ha ka chnat Agriculture & Farmer’s Welfare Department, Sports & Youth Affairs wa kam ka Director ka chnat Urban Affairs.
Discussion about this post